عناوين الصحف الرياضية الصادرة بالخرطوم صباح اليوم الأحد 15 فبراير 2015

عناوين الصحف الرياضية الصادرة بالخرطوم صباح اليوم الأحد 15 فبراير 2015

الجوهرة الرياضية

×××××××××

باتريك يعتمد علي الهجوم الكاسح وحناجر الانصار تلهب النزال...الهلال يشعلها نار لسحق خفر الزنزبار

الكاردينال يدحض الشائعات : قضية المدينة اكتملت في لوزان وسنرد علي دعاة الفتن

في مباراة تهم الهلال....بطل ملاوي يلعب في جزر القمر بحارس واحد ولاعبين فقط علي دكة البدلاء

المريخ ينازل عزام في دار السلام...والخرطوم يعبر ديناموز

الهلال يرتدي الازرق  وبطل زنزبار باللون السماوي

عالم النجوم

××××××

مساء اليوم بالمقبرة ...الهلال الرهيب يهدد باعتقال قوات مكافحة التهريب

الكاردينال يصل ويخاطب اللاعبين...يرصد الحوافز ويجتمع بالبلجيكي ويؤكد عدم التراجع عن قضية المدينة

تشكيلة انتحارية..البلجيكي يخوضها هجومية ولاعبو الأزرق يتعاهدون علي إسعاد الأمة الهلالية

نزار ونيمار يتعهدان باشعال النار والجزولي يتوعد وبشة جاهز للتشة

الوطني يهزم بطل زامبيا...عزام يتوعد المريخ بالهزيمة

قوون

×××

اعطوا العهد للكاردينال مساء امس  بعد ان حضر اليهم مباشرة من المطار لكورال

ابطال الهلال عازمون علي تخطي بطل زنزبار وعبور المحطة الاولي في المشوار

البلجيكي يختتم اعداده بمران مغلق صباحاً .اطهر يواصل التالق وكيبي عازم علي دك حصون القوات الزنزبارية

تخطور بادور الزامبي بهدف : الاولاد يؤجلون الحسم للاياب

طلق ناري يصيب اللاعبين بالذعر...المريخ يقاتل عزام بدار السلام والمدينة يقود مقدمته الهجومية

الاسياد

××××

مافي كلام كتير كي ام من هنا يطير

القائد والكتيبة في كورال حاجة عجيبة

الكاردينال لن نتهاون او نتراجع في قضية المدينة و(قوون) قصدت احداث  الفتنة بين المجلس والجماهير

النيل الازرق تكمل تحضيراتها لنقل مباراة اليوم..مراقب المباراة يزور القلعة الزرقاء ويشيد بها

الكاردينال يخاطب اللاعبين بالعربي والانجليزي ويرصد حافز دولاري

____________

××× صباح الانتصار للفرقة الزرقاء

××× دعواتكم لهلال السودان بالانتصار

××× كن حريصا  علي التواجد باستاد الهلال لدعم الاقمار

اقرء المزيد

عناوين الصحف الرياضية ...السبت الموافق 14فبراير2015

عناوين الصحف الرياضية ...السبت الموافق 14فبراير2015

صحيفة عالم النجوم
///////////////////////
هلالنا الله عليه..جاهز لضرب كي ام كي
الانصار يحاصرون الاقمار ويطالبون باشعال النار في شباك بطل زنزبار
كاريكا يفتتح الشباك الجديدة بقذيفة تخصصية..باتريك يخفي التشكيلة
الاساسية
شعبان يهدد باعتقال الهلال في ام درمان وثلاثي الحراس يشعلون المران
الوطني يستدرج ديناموز الزامبي بالخرطوم ..عزام يصعد من حربه ضدالمريخ

صحيفة الاسياد
////////////////////
الاقمار يعاهدون الانصار علي الاطاحة بزنزبار
خطة هجومية كاسحة للهلال وصواريخ كاريكا ونيلسون تلهب المران
وفد رفيع من المؤتمر الوطني يزور الهلال والكوماندوز يستهلون المشوار
قيادي بالاتحاد العام ينصح المريخ بابعاد المدينة امام عزام وغارزيتو يحذر
قاقرين: متفائل بانتصار الهلال وهذه وصيتي للابطال

صحيفة قوون
//////////////
وسط مؤازرة كبيرة وصيحات قاعدته العريضة..الهلال يتحفز بقوة لمعركة
قوات مكافحة التهريب الزنزبارية
اهتمام اداري غير مسبوق يضاعف مسؤولية اللاعبين وباتريك يختتم مناوراته صباح اليوم
المريخ يستخدم سلاح السرعة في البروفة الرئيسية للمواجهة الافريقية
ويرفض المران بملعب المباراة خوفا من عيون عزام
هل كذب غارزيتو مرة اخري: الهلال لم يشتكي المدينة للكاس..      وخطأ
الاتحاد العام يهدد حكمنا وليد محمد احمد بالحرمان دولياً

صـحـيـفــــة الـجـوهـــرة الـريـاضـيـــة
///////////////////////////////////////////
خلال الاجتماع التقليدي اليوم بدار السلام وفي وجود المراقب والحكام
عزام يشكو المريخ في بكري المدينة
باتريك يخفي التشكيلة الاساسية عن جواسيس الزنزبار
الكاردينال يصل الخرطوم لمتابعة نزال الابطال مساء غداً
قائد خفر السواحل: الهلال فريق كبير وهدفنا التعادل غدا
مجلس ادارة نادي الهلال واقطاب النادي حضورا في مران الامس
الامين العام للهلال يشكر امانة المؤتمر الوطني لحضوره مران الفريق
المريخ يتأهب لموقعة عزام .. وغارزيتو يهاجم صحافة دار السلام
الخرطوم ينال دينموز الزامي اليوم .. عطا المنان: الوطني يمثل السودان
أبرز عناوين الرياضية من الصحف السياسية
/////////////////////////////////////////////
الهلال يؤدي مرانه الرئيسي وسط حضور جماهيري كبير
الهلال يختتم اعداده لمباراة "كي إم" مساء اليوم بملعبه
تنافس كبير بين جمعة وماكسيم لحماية العرين غداً
مدرب بطل زنزبار يتحفظ في الكشف عن هدفه أمام الهلال
ظهر اليوم الإجتماع التقليدي للقاء الهلال وبطل زنزبار
مجلس الهلال يسلم اللاعبين حوافز الاسود والمرتبات
الهلال يتسلم شعار البطولة الافريقية من اديداس
غازيتو يحذر من مشاركة المدينة بسبب شكوى الهلال
طاقم تحكيم إرتري ..ومراقب ليبي لادارة مباراة الخرطوم وباور الزامبي
روح طيبه في الاجتماع الفني : الكوماندوز بالأحمر..والزامبي بالأصفر
فئات دخول الخرطوم وبارو الزامبي "5،10،30" جنيها
أبياه : لم أتابع ديناموز لكن الخرطوم جاهز لمنازلته (صفحة الهلال بالفيس)
مدرب الخرطوم الوطني أبياه يركز على المقدمة الهجومية
المصري إبراهيم يتولى تدريب الأمل عطبرة رسمياً
الزنزباري يتدرب بالاكاديمية ومدربه يطلق تصريحات جريئة
رئيس بعثة المريخ ينتقد إدارة عزام .. وصحيفة تنزانية تسخر من عزام
تراوري خارج القائمة الأساسية للمريخ امام عزام في مباراة الغد
غارزيتو: المريخ جاهز لمواجهى الغد أمام عزام التنزاني
عطا المنان يراقب مباراة الإتحاد الليبي وإليكت سبورت التشادي في الكونفدرالية بتونس
سكرتير المريخ يطالب جماهير الأحمر بمؤازرة الهلال والخرطوم الوطني
غارزيتو يركز علي اللعب المتوازن وتنافس شرس بين اللاعبين لاقتحام التشكيلة
طوارئ في هلال الابيض تأهبا لمواجهة الهلال في الممتاز
إستقالة مجدي مرجان من تدريب هلال الجبال
مديرالكرة بنادي الميرغني كسلا: الحظ لم يحالفنا أمام النسور

اقرء المزيد

نزار عجيب...وجهة نظر....الأفريقية غير ...14فبراير2015م

الأفريقية غير

 

طوى الهلال صفحة الدوري الممتاز وفتح ملف مباراته أمام بطل زنزبار عقب لقاء هلال الجبال في الجولة الرابعة للمنافسة وكان ذلك اللقاء البروفة الأساسية لمواجهة الغد.
لاحديث يعلو فوق صوت البطولة الأفريقية التي نلعب فيها من التمهيدي على غير العادة بعد أن كان الهلال دائما رقما صعبا فيها .
نقول أن البطولة الأفريقية غير لأن نظامها مختلف وهي لاتقبل القسمة على اثنين لذلك مباراة الغد هي مواجهة مختلفة غير كل المباريات التي لعبها الأزرق من بداية الموسم الحالي .
لا يخفى على البعض حالة القلق الموجودة بسبب عدم الظهور القوي للفريق في مبارياته الأربع الأولى بالدوري ولكن لازلنا نتعشم أن يكون المشوار الخارجي مختلفا اعتبارا من الدور التمهيدي.
هنالك أكثر من ملف يخص الفريق الأزرق لكن سنؤجل فتح هذه القضايا إلى حين الانتهاء من المهمة الخارجية في هذا الدور من البطولة .
ننتظر من لاعبي الهلال مسح الصورة المهزوزة واللعب بشكل أفضل في اللقاء الأفريقي وأعتقد أن اللاعبين الأجانب تحديا مطالبين باللعب بروح المسؤولية لأنهم حتى الآن لم يقدموا أي شئ .
نقول الأجانب باعتبار انهم يشكلون العماد الأساسي للفريق في ظل وجود سبعة يشاركون حاليا عقب عودة كيبي وبوتاكو وهم يقع عليهم الدور الأكبر لأنهم للأسف أصبحوا الأكثرية .
مشكلة اللاعب الأجنبي انه يكون باردا في كثير من الأحيان ولايتفاعل مع صرخات الجمهور لأنه لايفهم اصلا ما يقولون والعكس تماما عند لاعبينا المحليين أصحاب الوجعة.
المصيبة الأكبر أن نصف هؤلاء الأجانب مصابون وتحمل لاعبونا الوطنيون مسؤولية قيادة الفريق في ظل التراجع الذي حدث وظهر أكثر ويكفي تألق وليد وأطهر وظهور كاريكا الأخيرة بشكل جيد .
كنا من بداية الموسم نعرف أن العدد الكبير من اللاعبين الأجانب الموجودين في كشف الهلال لن يفيد وان الإعتماد على هذا العدد المهول سلاحا ذو حدين.
على العموم هذا الملف مؤجل إلى حين الانتهاء من هذه المباراة لأننا نريد أن نكشف عن التخبطات الكبيرة في تسجيل لاعبين لايستحقون الانضمام لقائمة الفريق الهلالي.
سنمنحهم فرصة أخيرة في دوري الأبطال وننتظرهم أن يعكسوا الصورة السابقة ويؤكدون على احقيتهم بارتداء شعار الهلال .
اللقاء الأفريقي ليس فيه مجالا كبيرا للتعويض لذلك الحذر واللعب بقتالية فيه أمر حتمي وواجب فتاريخ الهلال في دوري الأبطال معروف وعلى هؤلاء اللاعبين الجدد أن يعرفوا هذا الأمر جيدا .
لن نقبل أي تهاون أو تراخي في هذه المواجهة الأولى ولابد أن لكل لاعب أن يبذل أقصى ما عنده إذا أراد الاستمرار في صفوف الفريق الذي تعاقد مع هذا الكم الهائل من الأجانب للقب الأفريقي وليس البطولة المحلية .
الفوز بنتيجة مريحة في لقاء الذهاب مطلب أساسي ولذلك سيكون الدور الأكبر على لاعبي المقدمة الذين يتوجب عليهم ترجمة أي فرصة لأهداف .
من أبرز عيوب الهلال التي ظهرت في الموسم الحالي هي إضاعة الفرص السهلة أمام المرمى وكثرة التحضير والاحتفاظ السلبي بالكرة دون تهديد مرمى المنافس .
فرق زنزبار ليس لها وجود دائم في خارطة الكرة الافريقية ولكن رغم ذلك لابد من احترام الفريق الحالي ومنعه من عمل أي مفاجأة على حساب الهلال .
الفريق الزنزباري يبدو متحمسا ولكن لاشك أن خبرته أقل من الهلال في هذه الاستحقاقات لكن كرة القدم أحيانا مجنونة وهي ليست علوم دقيقة وهذا ما يجب أن يعرفه لاعبو الهلال .

اقرء المزيد

الموج الازرق,,,,,معتصم محمود..........هلال السودان وبطل زنزبار.........14فبراير2015م

هلال السودان وبطل زنزبار

# يستضيف الخرطوم الوطني منافسه (باور ديناموز) في أول مواجهات الاندية السودانية على الساحة الافريقية.
# فوز (أخوان صلاح الأمير) اليوم خير إستهلالية لمشاركات الأندية السودانية وتعطي دافعاً للهلال والمريخ في مباراتي الغد.
# لو أدى الخرطوم بنصف مستواه أمام الهلال فانه اليوم فائز بلا محالة.
# منافس الوطني سجله الأفريقي متواضع ويمكن للأولاد أن يفعلوها كما فعلوها من قبل مع الاسماعيلي.
# كل السودان يقف اليوم خلف الاولاد.
# غداً تتجه الافئدة قبل الانظار نحو أستاد الهلال حيث مباراة الأسياد وضيفه الزنزباري.
# الإصابات أفقدت الأزرق نصف قوته وبرغم ذلك نطمع في فوز عريض ذلك أن لا مقارنة بين الهلال وضيفه.
# صحيح أن الكرة الزنزباري تطورات كثيراً وصحيح أن الفرق الكبرى وعلى راسها مازيمبي باتت تستجلب محترفين من زنزبار لكن ذلك لا يقلل من ثقتنا في عبور الضيوف بنصر عريض.
# لاخير في (أولاد باتريك) إن لم يحسموا التأهل من أم درمان.
# باتريك إعتمد (كانوتيه) ضمن التشكيلة الأساسية لمباراة الغد..!
# (كانوتيه) لم يظهر في المعسكر الاعدادي ولا في الدوري ولا حتى في المباريات الإعدادية مع اندية الخرطوم الصغرى فكيف يتم الدفع به في مواجهة خارجية.
# دفاع الهلال خاض (4) مباريات دورية ولم تهتز شباكه وهو الأفضل حتى الآن فلماذا الدفع بكانوتيه..!
# الهلال يعاني في الهجوم لا الدفاع.
# الأزرق يحتاج للجزولي الذي يعاني مع باتريك دون مبرر.
# في المران الختامي تفوق الجزولي على كاريكا وكيبي وأحرز هدفين ولكن من يقنع باتريك.
# لو كنت مكان باتريك لهاجمت بالجزولي وأطهر ووضعت كاريكا في الطرف اليمين حيث يحب أن يتواجد.
# المثلث المقلوب الذي يتشكل من أطهر والجزولي في المقدمة ومن خلفهما وليد نيمار في الصناعة والأعداد يشكل الوصفة السحرية لحسم التأهل من امدرمان.
# (حبيب كافوما) لاعب كمبالا سيتي إستخف بعزام الذي يواجه المريخ غداً وقال (عزام يؤدي نصف ساعة فقط وبعد ذلك ينهار).
# المريخ يواجه حمام ميت وبإمكانه حسم التأهل خارج الأرض.
# المريخ كما الهلال يعاني في خط المقدمة لإعتماده على لاعب لا يجيد سوى الركض.
# عودة تراوري المدلل ربما تعالج المشكلة.
# غارزيتو أثار الرعب في نفس (المدينة) وهو ينقل له وصول شكوى الهلال الى لوزان.
# المدينة كان يظن أن الشكوى مجرد وهمة كما إدعوا له لكن غارزيتو اكد له ان الامر جاد.
# ما لم تنقله صحف المريخ وبترته من الخبر ان غارزيتو ابلغ عبد الصمد وبكري بان كسب الهلال للشكوى مسألة وقت لا اكثر.
# على (بكري) تجهيز الغرامة (الدولارية) وعلى المريخ تجهيز البديل لان غياب بكري سيطول.
# لا نرحب بهبوط المريخ للدرجة الأدنى كما حدث لغيره (سيون السويسري) لأن الأندية التي هبطت لم تستطع العودة.
# هبط مريخ الحصاحيصا وبورتسودان والأبيض ولم يعودوا الى الان.
# كل (المراريخ) التي هبطت لم تعد بجانب الموردة وبري وشمبات.
خربشات
# إدعى بكري المدينة أن شكوى الهلال ضده تعني أن الهلال يريد عودته ويرغب في خدماته..!
# تفسير بكري لشكوى الهلال مبرر وفقا لمحدودية تعليمه وتواضع إدراكه القانوني.
# صحيفة (الصدى) التي حاورت بكري كشفت جوانب جديدة عن بكري الذي بات يستحق الشفقة ويحتاج لمن يفسر له الاشياء)
# حوار (الصدى) أكد ان دكتور النقي كان محقا في مشروعه تأهيل اللاعبين بجامعة الخرطوم رغم أن هناك فئة لم تحصل على شهادة الأساس وتحتاج للعودة الى الأساس.
# نعود لموضوع بكري وتقول للمسكين ان الاهلي المصري حينما شكوى الحضري لذات المحكمة لم يكن يرغب في خدماته بدليل ان الحضري وبعد الحكم عليه ذهب للتلفزيون المصري وذرف الدموع وبرغم ذلك رفضت ادارة الاهلي ارجاعه.
# إستأجر الحضري عدد من المشجعين رفعوا لافتات في المدرجات تطالب بعودته وبرغم ذلك رفضت إدارة الاهلي.
# بكري المسكين يدعي أن الهلال يريده وينسى أنه لم يحرز الى الآن أي هدف في الدوري.
# بكري الذي يدعي أن الكاردينال جري خلفه حتى إنقطع نفسه عليه أن يذكر أين جرى الكاردينال خلفه.
# عليه ان يذكر هل أتى الكاردينال إلى قريته بريفي سنار أم حضر بكري ومعه أسرته لمنزل الكاردينال بقاردن ستي..؟
# على بكري أن لا ينسى كيف (قبل) شقيقه رأس الكاردينال في وجود أعضاء مجلس الهلال وكيف ترجى الكاردينال لمزيد من المال حتى يتزوج بكري ويشتري المنزل.
# على بكري أن يسأل نفسه لماذا لم يضمه الهلال لغرفه التسجيلات رغم علمه بان المريخ يريده..!
# الأيام أكدت ذكاء الكاردينال الذي ورط المريخ في اغلى ماسورة.
# ماسورة سعرها 3 مليار.
# (3) مليار ولا هدف في الشباك..!
# عمر بخيت أطلق تصريحات بصحيفة الدار هدد فيها بمقاضاة صاحب هذه الزاوية بدعوى تشويه تاريخه..!
# (بخيت) قال أنه لم يساوم الهلال وانه ابن الهلال يتحلى باخلاقه وأدبه.!
# (بخيت) الذي يتحدث عن أدب الهلال أساء في ذات التصريح لرئيس الهلال ووصفه بالمراوغ كما أساء لأمين عام الهلال وقال أنه لا يعرف ما يدور في النادي وتمادى في سخريته لكل مجلس الهلال..!
# (بخيت) الذي زعم أنه لا يساوم الهلال ذكر في حديث المتناقضات أنه طلب من الكاردينال سابق المستحقات قبل توقيع العقد الجديد..!
# (بخيت) الذي يدعي أنه لم يساوم الهلال لم يتحدث لنا عن العمارة ذات الطوابق الثلاثة التي إمتلكها في ارقى احياء الخرطوم هل هي ورثة ام اموال الهلال..!
# نقول لبخيت مرحبا بساحات المحاكم وسنرى يوم ذاك من هو الخاسر.

اقرء المزيد

بالفيديو ذهبوا للصيد لن تتخيل ماذا وجدوا .. شئ لايصدقه عقل لن تستوعب ماالذي حدث

اقرء المزيد

وان طال السفر..محمدعبدالماجد...كعب قضية (بكري المدينة) تطلع زي تسجيل (كروز),,,,,الجمعة 13 فبراير 2015

كعب قضية (بكري المدينة) تطلع زي تسجيل (كروز)

 

 

الزمن دا ترسل ليك (شافع) في سنة تانية اساس ..يجيك راجع وهو على اعتاب التخرج من الجامعة

الزول زمان وقت يكون مستعجل ..يقوم يقول للحاجَّة ..اعملي لي حاجة خفيفة كدا ..عشان انا طالع مستعجل ما بنتظر الفطور

الضباح يديك احساس انو موضوع الضبيحة اصعب حاجة في الدنيا..وانو الضباحين ديل ..اطباء جراحين بس ملحقوا في المعلومات العامة

(طيور الجنة) ما عملت فينا خير...غير انها زادت لينا (اوزان) الاطفال وخلتهم لينا زي (البراميل) ما عملت لينا حاجة

• نحن شفنا الكاردينال (مستعجل) شديد ..اتذكرنا الزول وقت يكون مستعجل ولاحق ليه حاجة – بقوم يشيل (قميصو) ويمشي بيه على المكوجي.

• ما بنتظر.

• ولا برسل ليه شافع.

• الزمن دا ترسل ليك (شافع) في سنة تانية اساس ..يجيك راجع وهو على اعتاب التخرج من الجامعة.

• دا لو ما جاك وهو على اعتاب المعاش الاجباري.

• نحن كمان شفّع الزمن دا ما بنعرفهم.

• طيور الجنة علمتهم (فلهمة) ما عندهم ليها رأس.

• ولا عندهم ليها (فهم).

• الواحد فيهم من يشوف ليه (جلاكسي) يقعد يتشبك ليك فيه ..ويفتح ليك الالعاب ويعرج على الرسائل.

• ما يخلي ليه حاجة في الاستديو.

• شفع اخر زمن.

• غايتو (طيور الجنة) ما عملت فينا خير.

• غير انها زادت لينا (اوزانهم) وخلتهم لينا زي (البراميل) ما عملت لينا حاجة.

• المهم موضوع (الشفع) دا ما تشتغلوا بيه.

• دا ما موضوعنا.

• موضوعنا الآني الزول وقت يكون مستعجل يقوم يشيل قميصو ويمشي بيه من الصباح على المكوجي.

• خاصة لمن الكهربة تكون قاطعة.

• ما بتعرفوا قيمة المكوجي إلّا لمن الكهربة تقطع.

• عشان كدا الكهربة لمن تقطع ..المكوجي بعاين ليك ..ويتفحصك.. عاوز يعرفك زبون دائم ..وإلّا جابتك الكهربة.

• لو لقى (الوش) غريب ..بقول ليك ..و الـلـه الهدوم الفي التربيزة دي اسيادها كلهم منتظرينها.

• لكن دا ما حكم.

• انت شيل قميصك وامشي على المكوجي.

• اقيف للمكوجي في رأسو ..لمن يكوي ليك القميص ..طبقو وتعال راجع بيه عشان تلبسو وتتخارج.

• المكوجية الزمن دا إلّا تقيف ليهم في تربيزة المكوه.

• وتساعدهم كمان بي نفخة – نفختين للمكوه.

• لو ما نفخت ليهم المكوة نفخة كاربة كدا ..وشكيت ليهم من غلاوة (الفحم) ما بخلصوا ليك في مكوة القميص.

• اي حاجة عاوزة ليها (فلسفة).

• واي شغلة عندها (نظام) مختلف.

• عشان بس تكونوا عارفين تتعاملوا مع المواضيع كيف؟.

• بي فهم.

• والكاردنيال افتكرناه مستعجل ..وضايق وما برجى الفطور.

• الكاردنيال كان عامل لينا فيها مستعجل.

• اصبروا استعجال الكاردينال ماشي عليكم.

• انتوا قايلننا نحن بنخلي حاجة.

• فاكرننا بننسى.

• خلوني هسع اوقع ليكم موضوع (الاستعجال) دا.

• عشان الموضوع يمخمخ ليكم كويس.

• ويقع ليكم (حطب).

• الزول زمان وقت يكون (مستعجل) ..يقوم يقول للحاجَّة ..اعملي لي حاجة خفيفة كدا ..عشان انا طالع مستعجل ما بنتظر الفطور.

• يهندس الكلام ..يقول ليها ما عاوز اطلع جيعان.

• شفتوا الفهم.

• الحاجَّة ما بتقصر..تقوم تشوف ليها اعظم حتة في اللحمة وتطلعها ليك من التلاجة.

• تسخن ليك اعظم حتة.

• ولا بتعاين لي زول.

• تفطر فطور محترم.

• تقعد تشرب الشاي.

• ويعملوا ليك القهوة.

• ولمن يجيبوا الغداء ..انت ما تطلع!.

• يا ود الناس انت ما قلت مستعجل.

• غايتو الزول وقت يكون ما عندو موضوع – بقوم يعمل ليكم فيها (مستعجل).

• اتاريك بس ..عاوز الحاجة تخصص ليك فطور.

• وما عاوز زول يضايقك ..تقوم من صباح الرحمان وتعمل فيها بتلبس ..عشان تثبت انك مستعجل وانت لا مستعجل ولا حاجة.

• زي الكاردينال.

• الكاردينال قلت ليكم بجي ليكم موضوع استعجالو دا.

• اصبروا بس.

• خلوني اثبت النظرية.

• ماشي عليكم.

• ما في كلمة بتطير.

• ما في حاجة بتنقص.

• ما تشفقوا على فطور الجمعة ساكت.

• مرات بتقيف في خشم الباب تحرس الضباح.

• تقيف ليه في حلقو.

• تبقى ليه في رقبتو.

• يقول ليك جيب (الصينية) ...تجيب الصينية.

• جيب الموية...تجيب الموية.

• جيب الصابونة ..تجيب الصابونة.

• الضباح يديك احساس انو موضوع الضبيحة اصعب حاجة في الدنيا.

• وانو الضباحين ديل ..اطباء جراحين بس ملحقوا في المعلومات العامة.

• هو الطب فيه معلومات عامة؟.

• انا عارف ..الضباحين ديل فاكنها فينا ساكت.

• زي كأنو الضباح ضل طريقه من الطب.

• لو ما الظروف كان مفروض هسع يكون (طبيب)..وعيادتو في شارع الحوادث.

• فهم و الـلـه.

• تقعد تحرس الضباح كدا من الصباح ..لمن ريقك ينفش.

• والضباح ذاتو يعلق فيك ..بي قطعة ..قطعة.

• وانت صابر.

• وساكت.

• عشان شنو؟.

• عشان يطلع ليك (قطعة) من الخروف ..تدخلها البيت يعملوها ليك قبل الفطور.

• انت زول ضايق ومستعجل ..والفطور البجيبوه الساعة واحدة دا ..لا بنفع معانا ولا حاجة.

• بعدين احلي حاجة في الخروف يطلعوا ليك قطعة ..ويعملوها ليك براك كدا.

• تمزمز براك كدا.

• وقت تنفعل مع (العضم) وتخلص ليه ..تدي العضم دقة في كراع العنقريب ..عشان (الطايوق) يطلع.

• ما تسمع الناس البقولوا ليك الموضوع بتاع الطايوق دا ما حضاري.

• في اللحمة ما في احلى من (الطايوق).

• مخمخ يا اخوي.

• وما تشتغل بي زول.

• افتكر بعد موضوع (الطايوق)..الكانوا زمان بعوسوا بيه الكسرة وبمسحوا بيه (الصاج)..احسن ادخل على الكاردينال.

• هسع ما عارف الكسرة بعوسها بي شنو؟.

• غايتو ما شفت لي (طايوق) قريب.

• ولا سمعت بيه.

• الكسرة ذاتها بقت علم.

• العلم دا دخل في اي حاجة.

• نخش على الكاردينال.

• ناس الهلال وقت كان موضوع بكري المدينة في الاتحاد العام ..وكانوا منتظرين الشكوى ..قدوا اضانا.

• كل يوم الصباح يقوموا يهاجموا ليك الاتحاد العام.

• الاتحاد قاصدنا.

• وعماد الطيب حايم بالاذاعات والجرايد يهاجم في الاتحاد.

• الاتحاد ما عاوز يحسم موضوع بكري المدينة.

• والاتحاد بيداغل.

• والاتحاد ..خايف الهلال يمشي الفيفا.

• ونحن نشيل ونهاجم في الاتحاد.

• لو كنا قايلنكم بتجرجروا كدا ..سطر ما كنا كتبناه في الاتحاد العام.

• اتاريهو المشكلة في مجلس الهلال ما في الاتحاد.

• القرار بعد ما طلع من الاتحاد العام ..مشى قعد ليه شهر مع لجنة الاستئنافات.

• فكينا الاتحاد وقبلنا ليك على الاستئنافات ما خلينا ليهم حاجة.

• الموضوع طلع من الاستئنافات ..ومشى ناس الهلال.

• الكاردينال قال اول القال نحن منتظرين الاستئنافات منو؟..نحن مشينا لوزان طوالي.

• ونحن نشيل ونصدق.

• الموضوع هسع طلع من الاتحاد.

• وطلع من لجنة الاستئنافات.

• الموضوع هسع بقى على ناس الهلال.

• وناس الهلال قالوا مشى الفيفا.

• والفيفا بتحسم الامور طوالي.

• الفيفا عندها فروع للديلفري.

• يعني التأخير دا ممكن يكون في الاتحاد العام.

• ممكن يكون في لجنة الاستئنافات.

• ممكن يكون في الهلال.

• لكن الفيفا لا بتتأخر ولا حاجة.

• معقولة الموضوع يقعد عند الفيفا اكتر من ما قاعدو في لجنة الاستئنافات.

• موضوع بكري المدينة دا في الفيفا بتحسم في (20) ثانية.

• و الـلـه خايف زي ما قال حسن فاروق ..ناس الهلال يكونوا باعوا القضية.

• كنا خايفين من الاتحاد العام ..طلعت المشكلة في مجلس الهلال.

• كنا خايفين من اسامة عطا المنان ..المشكلة طلعت في الكاردينال.

• انت يا الكاردينال ما قلت الموضوع دا بتحسم في 48 ساعة؟.

• وينو حسمكم.

• وما قلتوا المحاميين شغالين في الموضوع من نوفمبر الماضي.

• وانت يا عماد الطيب ..ما كنتب بتصرح وبتحلف في الجرايد.

• وينها قضية بكري المدينة؟.

• انتوا بتلعبوا علينا وإلّا شنو؟.

• الموضوع دا لو غلبكم سلموه الامين البرير.

• الامين البرير بحسمو ليك في لحظة.

• ما تقعدوا تتهربوا لينا ساكت ..وتضيعوا لينا القضية.

• الناس بقت ما فاهمة اي حاجة.

• عماد الطيب ذاتو خلى التصريحات.

• والكاردينال بقى سيرة بكري المدينة ما بيجيبها.

• خايف قضية بكري المدينة تطلع زي (كروز).

• ........

• ملحوظة : غايتو بنديكم اسبوع تاني ..لو ما ظهرت حاجة بنمشي الفيفا برانا.

• هوامش

• نحن قلنا ليكم.

• ما تقعدوا تصهينوا لينا ساكت.

• نحن الصهينة ما بتنفع معانا.

• كفاية علينا كروز.

• شنو عاوزين تعملوها لينا كلها (بص الهلال).

• نحن بصات الوالي عرفنا ليها شنو؟.

• بصات الوالي 1750 بص ..ما اقتنعنا بيها.

• انت يا الكاردينال عاوز تقنعنا بي (بص).

• بصك دا ما بجيب الممتاز.

• الكلام الواضح احسن.

• وبكري المدينة دا لو الفيفا وقفتو لينا براهو ما بنقبل.

• إلا يوقوفوا لينا معاه بلة جابر.

• هسع بلة جابر ذنبو شنو؟.

• ...........

• عاجل : قالوا ليك عبدالصمد رئيس بعثة المريخ لمن وصل تنزانيا كان مفتكر (عزام) دا فريق فرنسي.

اقرء المزيد

بدون حجاب:خالد عزالدين,,,,,,,,,,غارزيتو آخر المزوّرين ..........!الجمعة 13 فبراير 2015

 

غارزيتو آخر المزوّرين !

• في انجلترا تم الاعلان رسميا عن القيمة المادية لبيع حقوق البث التلفزيوني لمباريات الدوري الانجليزي بمبلغ قياسي اقترب من الثمانية مليار دولار ! وهو رقم حقيقي ومحدد ومعروف، وكان اهلنا في السابق يقولون (الحساب ولد) ولكن مع اتحاد معتصم واسامة حسابنا بقى مختلف .. فقد اكد الاخ العزيز اسامة عطا المنان في مؤتمر صحفي وعلى رؤوس الاشهاد بان قناة قوون قدمت عرضا بمبلغ ثمانية مليار جنيه سوداني ! وقال أسامة الذي كان متحمسا في ذلك المؤتمر بان الشفافية هي شعار الاتحاد وان كل التفاصيل المالية ستكون بين يدي الإعلام والأندية ! ضحكنا طبعا ولم نصدق ذلك ليس لان الاخ اسامة (كاذب) ولكن لان الواقع المحيط باسامة او غيره لا يُمكّن من هذه الشفافية ! فالفكرة الاساسية لقيادة الكرة السودانية تقوم على الخفاء ! كل شيء في الخفاء حتى ان معسكر الهلال في الفجيرة كان تحت شعار (ممنوع الاقتراب او التصوير) ولم نكن ندري السبب في ذلك الوقت حتى علمنا مؤخرا بان الفلاشات تؤثر على مواضع الإصابات !!

• تجولت بالامس بموقع الاتحاد الدولي لكرة القدم .. كل شيء موجود حتى تفاصيل التفاصيل في القضايا والشكاوى للدرجة التي فكرت فيها ان ابحث عن خطاب هلال الساحل في شطب اللاعب مجدي عبد اللطيف . الـلـه يطراهو بالخير !! بحثت عن موقع لاتحاد الكرة السوداني فوجدت ان اتحادنا هو الوحيد بين اتحادات العالم الذي لا يملك موقعا ! وفي نفس الوقت لفت نظري خبر غريب يشير الى ان الاتحاد السوداني قد تعاقد مع شركة لتصور له مباريات الدوري الممتاز لتكون في الارشيف ! نضحك تاني !!

• الاتحاد السوداني يتحدث عن أرشيف ونحن نبحث عن القواعد العامة الجديدة لنعرف كيف يتم إيقاف اللاعبين لنحكم على بكري المدينة ولا نجدها !

• والاتحاد السوداني يبشر في كل يوم بتوقيع عقد مع التلفزيون السوداني ولا يقدم أي معلومة عن سبب عدم توقيع العقد، او يقدم معلومات عن العقد نفسه دعك من عقد البي ان سبورت !

• ليس الاتحاد السوداني نشازا من الاتحادات المحلية او الاندية فنادي المريخ الذي يريد ان يقيم جمعيته العمومية يرفض ان يعلق الميزانية السنوية للاعضاء قبل اسبوعين ليطلعوا عليها ! أما الاتحاد المحلي لكرة القدم فيمكن ان تكتب ما تشاء حول الميزانية او حول المنشآت او حول الدخل او حتى حول البوفيه !

• كلو مغطغط وفاضي وخمج ! في الهلال لا احد يعرف اي تفاصيل عن عقد الثريا .. فقط نعرف ان العقد بقيمة ثلاثة مليون دولار وننظر لمحترفي الهلال فنجد ان الضائقة المالية هي شعار تسجيلهم !

• نذهب لامل عطبرة فنجد محمد الطيب مُقال دون أسباب معروفة ونعود لنادي النسور الامدرماني ورغم تقديرنا الكبير للمجهود المبذول في هذا النادي ولكنه أقرب للنادي السري !

• وفي نادي المهدية تكتشف ان التسجيلات يقوم بها صلاح ادريس ! والمنشآت يقوم بها ادريس صلاح !! وفي المريخ وعلى مر التاريخ الحديث ليس هناك امين خزينة يعرف كم صرف على المنشآت ومن أين اتت الاموال!! والغريب ان الهلال به منشآت الان قائمة وموجودة ومقصورة وكراسي جميلة ومسجلة باسم مجهول او فاعل خير !! اما الخرطوم الوطني فنحن نعذره طالما ان جهاز الامن هو الداعم الرسمي له !

• وبالقطع فإن عدم الشفافية يقود الى عدم اتخاذ أي إجراءات في حالات تزوير يتحدث عنها الوسط الرياضي على طريق النكات !

• كل الوسط الرياضي يتحدث عن تزوير في تسجيل لاعب المريخ محمد شمس الفلاح او مازن شمس الفلاح و الـلـه انا ما عارف اسمو الصاح منو ؟ والمشكلة يكون هو زاتو ما عارف اسمو !! وحالة تغيير عشان ما نقول تزوير في عقد شبل المريخ ابراهومة ! والاتحاد السوداني كأن الامر لا يعنيه وكأنه مسؤول فقط عن بيع حقوق التلفزة لبي ان سبورت !

• والتزوير ما جديد وعدم المحاسبة برضو ما جديد ! اذكركم ببصمة علاء الدين ولا الرقم 12 و2 ولا شهادة ميلاد سعيد السعودي الصادرة في امبده وهو مولود في جده ولا احدثكم عن تسجيل اسامة امدوم في الكشف الافريقي ولا اقدم لكم كشفا باسماء كل لاعبي المنتخبات السنية المزورة بإشراف اتحاد كرة القدم !

• بعد المقدمة الطويلة دي كلها احببت ان انقل لكم نبأ انضمام مزور جديد للكرة السودانية فرنسي الجنسية؛ هذه المرة هو المدرب غارزيتو الذي اتهمه الهلال بتزوير عقد عمل !

• بس ابشركم بان الامر بين يدي (الكاس) وليس الاتحاد السوداني فان نال غارزيتو البراءة فمن حقه علينا ان نحتفل معه ونطالب بمحاسبة من وقعوا معه عقدا بستمائة الف دولار ! وان انضم غارزيتو رسميا لمزوري الكرة السودانية فإننا نترك الاحتفال به للاتحاد المحلي الخرطوم برعاية الاتحاد السوداني لكرة القدم !!

• ونأسف فإن المساحة لا تحتمل كل حالات التزوير في الكرة السودانية !!

اقرء المزيد